Sælt veri fólkið. Nú er ég búinn að vera geðveikur í 4 daga, eða semsagt búinn að vera atvinnulaus í 4 daga. Annars skrap ég á Akranes á mánudaginn og hjálpaði Hans Birgi að smíða einn vegg, það var fínt nema að sá veggur var gerður í hesthúsinu hans og lyktin var eins og í frystihúsinu þegar ammoníak var að leka úr frystitækjunum, en það vandist. Svo tókst mér að finna verkefni bæði hjá mömmu og tengda mömmu. En heima, hvað er það? maður er aldrei tilbúinn að fara að vinna heima hjá sér eða finna sér eitthvað að gera, það má nú bara bíða að framkvæma þá hluti sinna.Það var alveg eins og rafvirkinn sem nennti ekki að laga ristavélina hjá sér, konan var alltaf að biðja hann að drífa sig að laga en hann ætlaði að gera það seinna. Svo einn daginn þá var bankað upp hjá honum þá var konan á móta að biðja hann að laga fyrir sig ristavélina og það var nú ekkert mál. Og það tók nú bara nokkrar mín. og svo fór hann og bankaði uppá hjá henni og ætlaði að skila henni, en þá sagði konan að þetta væri hans ristavél.

Já svona er þetta, það valla að ég nenni að negla einn heilvítis nagla upp á vegg fyrir eina mynd það má nú alveg bíða aðeins., ég er líka smiður. En hafið þið heyrt af kynsjúkdómalækninum sem varð atvinnulaus, en hann fékk vinnu á bílaverkstæði. Og hann fékk það verkefni að gera við eina vél, og þeir skildu nú ekki í því af hverju hann stóð fyrir aftan bílinn, jú hann var að gera við vélina í gegnum púströrið.

Svo er það nú spurning með svona lækni, ef konan hans fer að biðja hann að kíkja aðeins á milli lappa og ath, hvort að það sé eitthvað að, "æji ég nenni því ekki núna má ég kíkja á morgun", svo er kannski bankað upp hjá honum og nágranna konan spyr hann um það sama, en hvort að það geti beðið aðeins það er spurning.

Svo er það Skaggapartýið það er í næsta mánuði og vona að sem flesti mæti og skemmti sig vel.

Kv. Jón Arn....(vantar eitthvað að gera...)

Sælt verið fólkið....Tíminn hann líður eins og ég veit ekki hvað, er á fullu að reina að ná mér í vinnu en það er ekki að alveg að ganga búinn að tala við ansi marga. Er að fara í viðtal á morgun og fæ svar við einu starfi 1 feb. Maður verður svo þreyttur að gera ekki neitt í vinnunni að það er bara erfitt. Að labba úr einu horni í annað og spá svo hvert maður á að fara næst. Jú upp á kaffistofu og fá sér kaffibolla nr 10. og það er nú kostur að drekka nóg að kaffi þá þarf maður að fara á WC spræna það eyðir deginum aðeins. . Svo er það Skaggapartýið það verður örugglega svaka gaman eins og síðast, mikið af fólki  sem skemmtu sér vel. En nú komst töluvert fl. í þennan sal heldur en í Húnabúð. Samkvæmt því sem húsvörðurinn sagði þá komast hátt í 180 manns gott dansgólf.

Kv Jón Arn...

Aðalhljómsveit: JANUS

Meiri upplýsingar koma síðar.
Það er næstum því skyldumæting.
Látið þetta berast (Ingi Sveins er svo gamall að hann fer ekki inn á Facebook!!)
Endilega látið vita af ykkur.
Kv.
Hulda, Jón og hljómsveitin JANUS!

Skaggapartý II

Tímasetning:20. mars 2010 21:05

Staðsetning:Félagsheimlið Fákur, Víðivöllum, Víðidal, Rvk

Nú er maður búinn að borða nóg í bili minnsta kosti pása fram að áramótum. Svo er það áramótaheitið hvað ætti það að vera, t.d. borða minna já eða hreyfa sig meira það er svo margt sem manni dettur í hug en hvort úr því verður veit nú maður ekki. Einu sinna þá ætlaði ég að fara í leikfimi og ég var alltaf að seinka því svo varð bara ekkert úr því.

Margt er það sem manni dettur í hug  þegar ég reykti þá ætlaði ég að hætta því en ekki tókst mér það nú,en samt tókst mér það nú með tímanum og það var gott að hætta því.

Svo er það áramóta peninga sprengjan, ég hef nú ekki keypt mér neitt að ráði, ég sit bara út á yfirbyggðum svölum og horfi á hálfa borgina sprengja það er bara svo mikill háfaði að maður getur ekki talað saman á svölunum ef maður hefur gluggana opna, þá er nú oft sem maður hefur áhyggjur af því að það komi ein raketta inn á svalirnar og spryngi.

Jæja þá er komið að þessum ágæta degi, innkaupa stressið búið, samt hefur hún Hulda mín séð svona mest um innkaupin af jólagjöfum hún er svo yndisleg kona.

Og nú býð ég bara eftir að fá að borða Hamborgarahrygg á eftir og svo ísinn, en ég reikna nú með að Ísinn verði nú ekki vinsæl hjá þeim yngsta bara að drífa sig að ganga frá og svo að opna pakkana. En svona var maður nú líka ekkert hangsa við þetta uppvask, en það var nú alltaf gengið frá öllu áður en maður fór í að rífa upp pakkana,

En ágætu gestir mínir á þessa síðu vill ég þakka fyrir að kíkja hér inná og ég þarf að fara að finna fleiri gamlar myndir, þær eru nauðsynlegar að geta sýnt þær sem gerðist fyrir slatta árum á Skagaströnd.

Ég mæli með koffin lausa kaffi....annars sæl verið þið. Þar sem ég er að vinna þá var eigandinn að stríða okkur með kaffiblöndu og setti stundum koffinlaust eða venjulegt kaffi og ég fann ekki mun á því nema að ég fæ ekki í magann af koffinlausu eins og ég fæ af venjulegu kaffi, þannig að ég mæli með að smakka koffinlausa kaffið.....er ég búinn að skrifa þetta nafn svolítið oft,,,, hvað með það ég var að ná mér í einn bolla af kaffi og hann er númer 4 og er ekki kominn með í magann enn og stalst í að fá mér smá súkkulaðibita með því, en það er helgi svo að það er í lagi. Nú er ég alltaf að dunda mér í smá heima stúdeó og er að semja eitthvað....sem gengur nú ekki alltaf. En ég prófaði að semja sinfóníulag eða eitthvað nálagt því, hér er lagið sem ég var að prófa að búa til sinfó.mp3. Það er svolítið rólegt....og svo er fl lög á lagalistanum....

Kv Jón Arn....